Skip to content
CheckMyOrder

Marketplace tracking guides

Amazon Order Nahi Aaya Ya Late Hai? Kya Karein: Tracking, Support Aur Refund

Pehle tracking, phir 'Problem with order', phir support. Google wale helpline numbers kabhi nahi.

By Akshansh TyagiReviewed by Rajita KesarwaniPublished 2 min read

Jaldi jawab

  1. Amazon app mein Your Orders kholiye aur Track package dekhiye.
  2. Delivery date nikal gayi ho tu order par "Problem with order" ya Customer Service chuniye. Amazon wahin refund, replacement ya call back ka option deta hai.
  3. "Delivered" dikha raha hai par mila nahi? 24 ghante mein ghar, security guard aur parivaar se poochiye, phir usi order se report kijiye. Amazon ka number Google se kabhi mat lijiye. Fake helpline sabse bada fraud hai.

Amazon order nahi aaya: 3 steps

Step 1: Tracking check kijiye

  • Your Orders → order → Track package mein latest status aur expected date dikhti hai.
  • Courier ka naam aur tracking ID dikhe tu use CheckMyOrder par bhi daal sakte hain. Amazon Shipping wale TBA… number bhi chalte hain: Amazon TBA tracking.
  • Status ka matlab samajhna hai tu: courier status meanings.

Step 2: Kis haal mein kya karein

Haal Kya karein
Delivery date abhi nahi nikli Wait kijiye; sale ke time 1–3 din zyada lag sakte hain
Date nikal gayi, tracking ruki hai Order par Problem with order / Customer Service
"Delivery attempted" par koi nahi aaya Order se report kijiye; agla attempt aksar agle din. Detail: delivery attempted
"Delivered" par mila nahi 24 ghante neighbours/guard se poochiye, phir report: delivered but not received
Parcel wapas ja raha hai (return to seller) Refund apne aap shuru hota hai; order page par dekhiye

Step 3: Amazon se baat ka sahi tareeka

  • App mein Customer Service se chat ya call back maangiye. Ye sabse safe hai.
  • Third-party seller ka order ho tu bhi Amazon ka support madad karta hai.
  • Google ya social media pe mile "Amazon customer care" numbers fake ho sakte hain. Wo UPI PIN, OTP ya screen-sharing app maangte hain. Detail: fake courier customer care number scam.

Refund kab aayega?

Cancel ya return ke baad refund aapke payment method se aata hai. Wallet jaldi, UPI aur card mein kuch working days lagte hain: order cancel refund kab aayega.

Baat na bane tu

  • Order ID, screenshots aur dates note kijiye.
  • National Consumer Helpline 1915 ya consumerhelpline.gov.in par shikayat kijiye.

FAQ

Amazon order ka tracking number kahan milta hai?

Your Orders mein order kholiye, Track package par jaiye; courier aur tracking ID wahin likhe hote hain.

Amazon delivery boy se baat kaise karein?

Out for delivery hone par order page par call ka option aa sakta hai. Detail: delivery boy ka number kaise pata kare.

Sources

Akshansh Tyagi · Content Writer

Akshansh writes CheckMyOrder's courier and shipping guides: tracking number formats, courier charges, delivery times and shipping advice for small sellers. He researches each topic from official courier and India Post sources.

Reviewed by Rajita Kesarwani, Head of Digital Marketing & Content. Read how we write and check our guides on the About page.